Sportty damytý dırektsııasyna basshy taǵaıyndaldy

Sportty damytý dırektsııasynyń dırektory qyzmetine Erlan Estek taǵaıyndaldy, dep habarlaıdy Kazinform. 

Sportty damytý dırektsııasynyń baspasózy qyzmeti málim etkendeı, ol buǵan deıin Qazaq kuresi qaýymdastyǵynyń bas dırektory qyzmetin atqarǵan.

Erlan Estek QR Týrızm jáne sport mınıstrligi Sport jáne dene shynyqtyrý isteri komıteti Sportty damytý dırektsııasynyń dırektory qyzmetine taǵaıyndalyp otyr. Ol 1982 jyly 5 qyrkúıekte Qostanaı oblysynda dúnıege kelgen.

Arqalyq qalasyndaǵy memlekettik pedagogıka ınstıtýtyn (2003 jyly), Shymkent ýnıversıtetin (2016 jyly), Qazaq sport jáne týrızm akademııasynyń magıstratýrasyn (2017 jyly) támamdaǵan.

Eńbek jolyn 2001 jyly jattyqtyrýshy-oqytýshy retinde bastady.

Qazaq kúresinen 2 dúrkin álem jáne Azııa chempıony. Dzıýdodan QR sport sheberi, qazaq kúresinen halyqaralyq dárejedegi sport sheberi, ulttyq dárejedegi tóreshi.

Bapker retinde qazaq kúresinen 9 álem chempıonyn, 5 Azııa jeńimpazyn 30-dan astam QR sport sheberin daıarlaǵan.