Sporttan ýaqytsha shettetilgen Alvares revanshqa daıyndalyp jatyr

ASTANA. QazAqparat - Meksıkalyq boksshy Saýl Alvares Nevada shtaty Atletıkalyq komıssııasynyń (NSAC) sheshimimen ýaqytsha sporttan shettetilgenine qaramastan, Golovkınmen revanshqa daıyndalyp jatyr, dep habarlaıdy QazAqparat.

«Kanelo» oqý-jattyǵý jekpe-jegi (sparrıng - avt.) týraly vıdeosyn Instagram paraqshasynda jarııalady.

Eske sala ketsek, Saýl Alvares Nevada shtaty Atletıkalyq komıssııasynyń (NSAC) sheshimimen ýaqytsha sporttan shettetilgen edi. 

Naýryz aıynyń basynda Saýl Alvaresten alynǵan dopıng-synamalardyń birinen tyıym salynǵan preparat tabyldy. Onyń múddesin qorǵaıtyn Golden Boy promoýterlik kompanııasy boksshynyń qan quramynan tyıym salynǵan preparat - Klenbýterol tabylǵany týraly aqparatty rastady.

Golovkın men Alvarestiń revanshy aǵymdaǵy jyldyń 5 mamyryna josparlanǵan.

Sparring day 👊🏻

Pýblıkatsııa ot Saul Alvarez (@canelo) 27 Mar 2018 v 4:51 PDT