Sportta jeńiske jetýge nemese jeńilýge barlyq faktorlar áser etedi - Vasılıı Levıt

NUR-SULTAN. QazAqparat – Qazaqstandyq boksshy Vasılıı Levıt Tokıo -2020 Olımpıada oıyndaryndaǵy jekpe-jegine qatysty pikir bildirdi, dep habarlaıdy QazAqparat tilshisi.

«Sportta jeńiske jetýge nemese jeńilýge barlyq faktorlar áser etedi. Meniń jaǵdaıdymda da solaı boldy. Bul jerde pandemııada bar, basqa da jaǵdaılar áser etti. Bunymen ómir bitpeıdi, ol óz aǵynymen jalǵasa beredi. Eń bastysy eńseni túsirmeý kerek...», - dedi Vasılıı Levıt áýejaıda jýrnalısterge bergen suhbatynda.

Sondaı-aq, sportshy barsha jankúıerlerge alǵysyn bildirdi.

«Barsha qoldaýshylarǵa rahmet. Jankúıerlerdiń qoldaýyn sezindim, bastysy sol. Sportta jeńiske jetkende de, jeńilgende de qoldaý óte mańyzdy. Óıtkeni qoldaý kórsetýdiń arqasynda jeńilistiń aşy sezimin asa sezinbeısiń», - deıdi ol.

Aıta ketsek, búgin elorda jurty Tokıo Olımpıadasynan oralǵan boksshylar Vasılıı Levıt pen Abylaıhan Júsipovti áýejaıdan qarsy aldy.

Tokıo Olımpıadasynda Vasılıı Levıt alǵashqy kezdesýinde ıspanııalyq Emmanýel Reıes Pladan nokaýtpen jeńildi.