Sportsúıer qaýymǵa arnalǵan jańa saıt ashyldy
ALMATY. 9 maýsym. QazAqparat /Erbol Azanbek/ - Sportsúıer qaýymǵa arnalǵan Sportinfo.kz aqparattyq portaly ashyldy. Búgin Almatyda ınternet-portaldyń tanystyrylýyna arnalǵan baspasóz málıhaty ótti.
Portaldyń quryltaıshysy - Rınat Toǵysov, bas redaktory beligili sport jýrnalısti Genıı Tólegenov. «Portal sportty súıetin, salaýatty ómir saltyn ustanatyndarǵa arnalǵan. Maqsatymyz - sport áleminde bolyp jatqan jańalyqtar týraly ınternet arqyly jyldam, jedel aqparat taratý»,- dedi portaldyń bas redaktory G.Tólegenov.
Rınat Toǵysovtyń aıtýynsha, portaldyń taǵy bir maqsaty - Qazaqstannyń medıa naryǵynda básekege qabiletti ınternet joba jasaý.
Saıttan fýtbol, hokkeı, tennıs, velosport, boks, kúres jáne qysqy, jazǵy sport túrleri boıynsha aqparat alýǵa bolady. Onlaın translıatsııa arqyly fýtbol matchtaryn tamashalaýǵa da múmkindik jasalǵan. «Jaqyn arada portaldy sport taqyrybynda jazatyn eń belsendi saıtqa aınaldyrýdy kózdep otyrmyz»,- deıdi G.Tólegenov. Belgili boksshy Serik Qonaqbaevtyń aıtýynsha, sport salasyna arnalǵan, kásibı jýrnalıster isteıtin saıttyń bolýy, álemniń kez-kelgen buryshynan Qazaqstan, álem sporty týraly jańalyqtardy jedel, jyldam alýǵa múmkindik beredi. «Saıttyń ashylýy qýantyp otyr. Tabys tileımin»,- dedi S.Qonaqbaev.
