Sportshylarymyzdyń «Dakardaǵy» kezekti nátıjesi (FOTOREPORTAJ)
ASTANA. QazAqparat - Ǵalamshardaǵy eń ekstremaldy jáne qaýipti rallı-marafon «Dakar» máresine jetti. Jarysta Qazaqstan namysyn «Astana» prezıdenttik kásibı sport klýbynyń «Astana Motorsports» júk ekıpajy men «Kazakhstan» jeńil ekıpajy qorǵady.
Eki aptada qatysýshylar Argentına men Bolıvııa aýmaǵy boıynsha toǵyz myńnan astam shaqyrym joldy júrip ótti. Áıgili jarystyń qorytyndysy boıynsha, «Astana Motorsports» komandasy 11-shi, al «Kazakhstan» quramasy 25-oryn taban tiredi.
Eske sala keteıik, júk kólikter sapynda «Astana Motorsports» ekıpajy qatysty. Onyń quramynda «Dakar 2012» jarysynyń qola júldegeri Artýr Ardavıchýs, 2015 jylǵy rallı-reıd boıynsha álem kýboginiń jeńimpazy Ignat Falkov jáne mehanık Fılıp Skrobanek boldy.
Jeńil kólikter jarysynda «Kazakhstan» komandasy óner kórsetti. Onyń quramynda Andreı Cherednıkov jáne Dmıtrıı Tsyro boldy. Olar jarys alańyna «Ford F150 EVO» avtomobılimen shyqty.
