Sportshylarymyz altynnan alqa taǵynyp, el namysyn asqaqtata berse eken degim keledi - E. Joljaqsynov
ALMATY. 30 qańtar. QazAqparat /Ádilet Musahaev/ - 7-Qysqy Azııa oıyndarynyń elimizde ótýi úlken mártebe. Bul jaıynda Azıada oıyndarynyń ashylýyn tikeleı efır arqyly tamashalap otyrǵan QR-ǵa eńbegi sińgen akter Erik Joljaqsynov QazAqparat tilshisine pikir bildirý kezinde aıtty.
Akter mundaı oıyndy bedeli joǵary, áleýmettik jaǵdaıy jaqsy ári turaqtylyǵy bar el ǵana ótkize alatyndyǵyn aıtty. «Tarıhı mánge ıe búgingi ashylǵaly otyrǵan jarys Elbasynyń salıqaly saıasatynyń arqasy dep bilem. Táýelsizdik alǵan 20 jyldyń ishinde Qazaqstan óziniń myqty el ekendigin baıqatyp, álem elderi arsynda óziniń bedelin joǵarylata bildi. Onyń aıǵaǵy retinde Astanada ótken sammıt pen búgin óz jalaýyn kótergen Qysqy Azııa oıyndarynyń bizdiń elde ótýin qýana aıta alam», -deıdi E.Joljaqsynov.
Sonymen qatar ol el namysyn qorǵaıtyn sportshylarymyzǵa jankúıerler atynan aq jol tiledi. «Sportshylarymyz altynnan alqa taǵynyp, tek birinshi tuǵyrdan kórinip, el namysyn asqaqtata berse eken degim keledi. «Ata-babamyz jaýdan qaıtpaǵan», sondyqtan otandastaryma «Alǵa, Qazaq eli jasasyn!» degim keledi»,- deıdi akter.
Sondaı-aq ol otandastarymyz alǵashqy orynnan kórinetindigine senetindigin jetkizdi. «Hokkeıden bolǵan jarysta qazaq qyzdary ózderiniń namysty ekenderin baıqatyp, qarsylastaryn oısyrata jeńdi. Qalǵan oıynda da jerlesterimiz jaqsy óner kórsetetinine senem», -dep atap ótti óz sózinde E.Joljaqsynov.
