Sportshylardyń bıylǵy jeńisindegi 467 medaldiń 153-i altyn-Qyzylorda
QYZYLORDA. QazAqparat - Jyl basynan Syr boıy sportshylary QR chempıonattarynda 467 medaldy ıelendi. Onyń ishinde 153 altyn, 121 kúmis, 193 qola medal bar. Azııa jáne álem birinshilikterinde 44 medalǵa qol jetkizdi. Onyń jartysy altyn, qalǵandary kúmis, qola medaldar, dep habarlady oblystyq dene shynyqtyrý jáne sport basqarmasynyń baspasóz qyzmetinen.
Sonymen qatar, 10 halyqaralyq dárejedegi sport sheberi, 30 sport sheberi, 293 sport sheberine úmitkerler daıyndalyp, Ulttyq qurama komandasyna jergilikti 306 sportshy endi. El baıraǵyn shetelderde jelbiretip júrgen sportshylarǵa kelsek, toǵyz-qumalaqtan eresekter arasynda Hákimjan Eleýsinov ekinshi márte Álem chempıony atandy. Erkin kúresten Dáýlet Nııazbekov Azııa chempıony atansa, shahmattan Ásel Serikbaı Azııany baǵyndyryp, oblys tarıhynda alǵashqy bolyp FIDE sheberi ataǵyna qol jetkizdi. Sondaı-aq, karate-dodan Móldir Jańbyrbaı Tbılısıde álem chempıony ataǵyn jeńip aldy. Oılylardyń jarysy - shahmattan jasóspirimder arasynda Nazerke Nurǵalı, velosporttan jastar arasynda Asylhan Turar jáne kıkboksıngten eresekter arasynda Altynbek Júnisov Azııany baǵyndyrdy. Aýyr atletıkadan ótken Azııa chempıonatynda Rústem Sybaı altynnan olja alsa, Maǵjan Shamshadın jastar arasynda álem chempıony atanyp, Qazaqstan Týyn kókte jelbiretti. Hıýstonda ótken aýyr atletıkadan álem chempıonatynda Aleksandr Zaıchıkov altyn júldeni alsa, Almas Óteshov kúmis júldeni enshiledi. Sondaı-aq, ótken qazan aıynda Qazaq handyǵynyń 550 jyldyǵy jáne Qazaqstan halqy Assambleıasynyń 20 jyldyǵyna arnalǵan ulttyq sport túrlerinen IV respýblıkalyq festıval uıymdastyrylyp, onda oblystyń qurama komandasy júldeli 1-oryndy ıelendi. Joǵary bilikti sportshylar jáne sport rezervin ázirleý baǵytynda sport túrlerinen 8 QR chempıonaty, gandbol, taekvondodan QR IV jazǵy spartakıadasy, ulttyq sport túrlerinen IV respýblıkalyq festıval, 3 halyqaralyq jáne 23 respýblıkalyq týrnırler uıymdastyrylyp ótkizilgen.
