Sportshylar Olımpıadaǵa daıyndyqty jalǵastyrýy kerek – Halyqaralyq olımpıada komıteti
«Alǵashqy konsýltatsııanyń biri Halyqaralyq jazǵy olımpıadalyq sport federatsııalarynyń qatysýymen ótti. Aldaǵy kúnderi Ulttyq Olımpıada komıtetterimen, sportshylar ókilderimen, Halyqaralyq paralımpıada komıtetimen, halyqaralyq federatsııalarmen jáne basqa da múddeli taraptarmen konsýltatsııalar ótedi. COVID-19 vırýsyna qatysty jaǵdaı Tokıo-2020 Olımpıadasyna daıyndalýǵa áser etedi jáne kún saıyn ózgerip otyr. Halyqaralyq olımpıada komıteti atalǵan olımpıadanyń ótýin qalaıdy. Olımpıada oıyndaryna tórt aıdan astam ýaqyt bar ekenin eskersek, dál qazirgi ýaqytta birjaqty sheshim qabyldaýdyń qajeti joq», - delingen baspasóz habarlamasynda.
Habarlamada jazylǵandaı, Halyqaralyq olımpıada komıteti álemdegi bılikterdiń koronavırýsqa qarsy qabyldaǵan sharalary onyń taralmaýyna yqpal etedi dep senedi.
«Tokıo-2020 Olımpıadasyna daıyndalyp jatqan sportshylardyń densaýlyǵy men ál-aýqaty – bizdiń basty nazarymyzda. Qaýipsizdikti qamtamasyz etý jáne sportshylardyń, jattyqtyrýshylar men qoldaý komandalarynyń múddelerin qorǵaý úshin barlyq sharalar qoldanylady. Biz –olımpıadalyq qaýymdastyqpyz, qandaı ýaqytta da bir-birimizdi qoldaımyz», - deıdi HOK Prezıdenti Tomas Bah.
