Sportshylar múmkindigi shekteýli balalarǵa syılyqtar syılady
ASTANA. QazAqparat - Búgin QR Tuńǵysh Prezıdentiniń mýzeıinde múmkindigi shekteýli jandarǵa arnalǵan «Balalarǵa baqyt syılaıyq!» aktsııasy ótti. Oǵan 6-14 jas aralyǵyndaǵy balalar qatysty.
Sharany uıymdastyrýshylar «Jas Otan» jastar qanatynyń Astana qalalyq fılıaly, QR Tuńǵysh Prezıdentiniń mýzeıi, Qazaqstan Fýtbol federatsııasy boldy. Áleýmettik aktsııa fýtboldan Qazaqstannyń Ulttyq quramasynyń qatysýymen jastar arasyndaǵy Eýropa chempıonatynyń irikteý jarysynyń aldynda ótkizildi. Belgili fýtbolshylar balalarǵa arnaıy daıyndalǵan syılyqtardy tabystady. Balalar Qazaqstannyń Ulttyq fýtbol quramasymen estelikke fotoǵa túsip, sportshylardyń qoltańbasyn aldy.
