Sportshylar mektep oqýshylarymen kezdesti
; ALMATY. Qazannyń 27-si. QazAqparat /Erbol Azanbek/ - Búgin Almatydaǵy №175 «Jańa ǵasyr» mektep-gımnazııasynda Áýezov aýdany ákimdiginiń uıymdastyrýymen mektep ujymynyń sportshylarmen kezdesýi ótti,
dep habarlaıdy QazAqparat.
Bul júzdesý 2011 jylǵy Qysqy Azııa oıyndary qarsańynda jas urpaqqa salaýatty ómir saltyn, Azııa oıyndaryn, sportty nasıhattaý maqsatynda ótkizilip otyr. Kezdesýge Almaty qalasy ulttyq sport klýbynyń basshysy Іzbasar Orazbaq, erejesiz jekpe-jekten álem chempıony Ardaq Nazarov qatysyp, ózderiniń sporttaǵy jetistikteri, sporttyq erekshelikteri týraly áńgimeledi.
«Qysqy Azııa oıyndaryna qazirgi tańda qyzý daıyndyq júrip jatyr. Bul oıyndar - elimizdiń bedelin asqaqtatatyn úlken shara. Qazaqstannyń damýy tek ekonomıkamen ǵana emes, sport, óner, mádenıet, bilimmen de tyǵyz baılanysty. Sondyqtan osy baǵyttardyń barlyǵynda jetistikke jetýge tyrysyńyzdar», dedi sport ardageri Іzbasar Orazbaq.
Shara barysynda mektep oqshylary sportshy aǵalarynyń qurmetine arnap kontsert berdi.
