Sportshylar 2016 jylǵy Olımpıada medaldaryn qaıtaryp jatyr
ASTANA. QazAqparat - Sportshylardyń 2016 jylǵy Rıo-de-Janeıroda ótken olımpıada oıyndary medaldaryn jappaı qaıtarýyna medaldardaǵy qara daqtar men tot basqandyǵy sebep bolǵan.
Reuters agenttigi habarlaǵandaı, olımpıada oıynshylary uıymdastyrýshylarǵa júzge jýyq medaldardy qaıtaryp bergen, olardyń basym bóligi - qola.
Rıo-2016 uıymdastyrý komıtetiniń qoǵammen baılanys jónindegi dırektory Marıo Andrada agenttikke oıynshylar tarapynan qaıtarylǵan medaldardyń qatarynda 2016 jylǵy Paralımpıada oıyndarynyń júldeleri de bar ekendigin habarlady. Qazirgi ýaqytta Rıo-de-Janeıronyń moneta saraıyna 130 medal qaıta jasaýǵa berilgen. Naqty qaı sportshylardyń qaıtarǵandyǵy jaıly aqparat joq.
Medaldardyń alǵashqy jıyntyǵy qaıta óńdeýge ótken jyldyń qazan aıynda kelgen, marapattardyń buzylýyna birden-bir sebep - atletterdiń olardy laıyqty deńgeıde saqtamaǵandyǵy. Medaldardyń búlingen jerlerindegi syrly jabyndylary joıylǵan. Sonymen qatar, 10 medal qatty sýyqta búlingen.
Búlingen medaldarǵa baılanysty Andrada Brazılııanyń moneta saraıy barlyq kemshilikterdiń ornyn toltyryp, medaldardy qaıtaratyndyǵyna ýáde berdi.
