Sportshy akýlanyń aýzynan aman qaldy
ASTANA. QazAqparat - Ońtústik Afrıka Respýblıkasynda ótip jatqan J-Bay Open týrnırinde serfıngten úsh dúrkin álem chempıony Maıkl Fennıngke akýla shapty, dep jazady USA today basylymy.
Akýla sportshy endi óz ónerin kórsetýdi bastaǵaly turǵan kezinde onyń arqa tusynan kelip qappaq boldy. Alaıda, Fennıng odan qashyp úlgerdi. «Men endi qımylymdy bastaǵaly turǵanmyn. Artymnan birdeńeniń kele jatqanyn sezip, qashyp úlgerdim. Ony teýip, aıqaılap shapshań qımyldadym», - dedi aman qalǵan sportshy. Qaıǵyly oqıǵamen aıaqtala jazdaǵan jaǵdaıǵa baılanysty týrnır keıinge shegerildi.
