Sportshylarymyzdy Olımpıadaǵa daıarlaýǵa sheteldik mamandar tartyldy
ASTANA. KAZINFORM – Frantsııanyń Parıj qalasynda ótetin XXXIII jazǵy Olımpıada oıyndaryna lıtsenzııa jeńip alǵan qazaqstandyq sportshylarǵa qandaı qoldaý kórsetilip jatqany belgili boldy.
Bul týraly Kazinform tilshisine Olımpıadaǵa daıyndyq shtabynyń jetekshisi Elsııar Qanaǵatov aıtyp berdi.
«Qazirgi tańda Parıj Olımpıadasyna joldama alǵan jetekshi sportshylar oqý-jattyǵý jıyndaryn arnaıy josparmen ótkizip, tyńǵylyqty daıyndyq júrgizip jatyr. Onyń ishinde boks, kúres, taekvondo, jeńil atletıka, sporttyq gımnastıka sııaqty sport túrlerindegi keıbir sportshylarymyz jeke baǵdarlama boıynsha daıyndalyp jatyr. Dırektsııa tarapynan olardyń barlyǵy oqý-jattyǵý jıyndarymen tolyq qamtamasyz etildi», - dedi shtab basshysy.
Sonymen qatar sportshylarymyz Olımpıada oıyndaryna sátti daıyndalý úshin arnaıy sheteldik mamandar tartylǵanyn da atap ótti.
«Olımpıada oıyndaryna sátti daıyndalý barysynda kóptegen komandalarda sheteldik mamandar jumys istep jatyr. Boksta (erler) Lıtvadan jalpy dene daıarlyǵy boıynsha jattyqtyrýshy Donotas ıAnýshevıch, sporttyq gımnastıkada Avstralııadan kelgen jattyqtyrýshy-keńesshi Vladımır Vatkın, qazirgi bessaıysta Ýkraınadan kelgen jattyqtyrýshy-keńesshi Sergeı Týrobov, ústel tennısinde Avstrııadan kelgen jattyqtyrýshy-keńesshi Dmıtrıı Levenko, júzýde AQSh-tan kelgen jattyqtyrýshy Garavı Homaıýn, stend atýdan Reseıden kelgen eki jattyqtyrýshy-keńesshi Vasılıı Mosın men Vıtalıı Fokeev, semserlesýde Ýkraına men Vengrııadan kelgen eki jattyqtyrýshy-keńesshi Aleksandr Torchýk pen Ferents Tot, kórkem gımnastıkada Reseıden kelgen eki jattyqtyrýshy-keńesshi Inna Bystrova men Irına Zınovka, Breıkıngte Reseıden kelgen jattyqtyrýshy-keńesshi Aslanbek Nyrov sııaqty bilikti mamandar ulttyq qurama komandamen birlesip jumys atqaryp jatyr», - dedi Qanaǵatov.
Esterińizge sala keteıik, keshe Qazaqstan quramasyna kórkem gımnastıkadan Eljana Tanıeva Tashkentte ótip jatqan Azııa chempıonatynda Parıj Olımpıadasynyń 50-shi joldamasyn syılady.
