Sportshylarymyz bir kúnde Olımpıadaǵa toǵyz joldama jeńip aldy
ASTANA. KAZINFORM – Búgin qazaqs sportshylaryna aspannan Olımpıada oıyndarynyń joldamalary jaýǵan kún boldy. Bir kúnde atletterimiz toǵyz jldamaǵa qol jetkizdi.
Búgingi Parıj olımpıadasynyń joldamalary sarapqa salynǵan álemniń ár túkpirinde ótip jatqan lıtsenzııalyq týrnırde otandastarymyz sátti óner kórsetti.
Eń aldymen Japonııa astanasy Tokıo qalasynda kanoe men baıdarkada eskek esýden Azııa chempıonatynda Parıj olımpıadasynyń joldamlaryn sarapqa salǵan sportshylarymyzdan súıinshili jańalyqtar keldi. Onda otandastarymyz birden tórtjyldyq basty dodaǵa 6 lıtsenzııa jeńip alyp, jalpy joldamalar sanyn 39-ǵa jetkizdi.
Aıta ketsek, kanoede 500 metrge eskek esýde Qazaqstan áıelder quramasy (Marııa Brovkova, Rýfına Iskakova) chempıon atanyp, jazǵy oıyndarǵa joldama oljalady.
500 metrge jarysta Qazaqstan erler quramasy (Bekarys Ramatýlla, Sergeı Tokarnıtskıı) márege birinshi jetip, Parıjdegi keshendi jarystyń bıletine ıelik etti.
500 metrge jarysta Sergeı Emelıanov pen Tımýr Haıdarov juby Olımpıada joldamasyn jeńip alǵan.
Sporttyń bul túrinde juptyq synda lıtsenzııa alǵan eki eskekshi Olımpıadada jekeleı synda óner kórsetedi.
Odan keıin Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde qos qazaqstandyq balýan taǵy el qorjynyna eki joldamany syılady. 97 keli salmaqta Álisher Erǵalı men 125 keli salmaqta ıÝsýp Batyrmurzaev jankúıerleriniń úmitin aqtady.
Osylaısha balýandarymyzdyń jetistigin jarysa jazyp jatqanda Qatar astanasy Dohadan da jaǵymdy jańalyq kelip jetti. Onda sporttyq gımnastıkadan ótip jatqan álem kýbogynyń sheshýshi kezeńinde at snarıadyndaǵy jattyǵýy boıynsha Narıman Qurbanov Parıj Olımpıadasyna lıtsenzııa jeńip aldy.
Mine, aptanyń sońǵy kúni osylaı qazaq sportshylary úshin sátti aıaqtady. Bir kúnde qazaq sportshylary 9 lıtsenzııaǵa qol jetkizip, jalpy joldamalar sanyn 42-ge jetkizdi.
Endi, erteń Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde burymdy balýandarymyz Parıj Olımpıadasynyń jolamalaryn sarapqa salady.
