Sportshylarymyz bıyl qandaı baıraqty básekede el namysyn qorǵaıdy

ASTANA. KAZINFORM — Ulttyq olımpıada komıteti elimizdiń sportshylary bıyl qatysatyn halyqaralyq jarystar tizilimin jarııa etti.

— Ulttyq olımpıada komıtetter ózderiniń elderin Halyqaralyq olımpıada komıtetiniń qamqorlyǵymen ótetin Olımpıada oıyndarynda, aımaqtyq, kontınenttik jáne búkilálemdik keshendi jarystarda usynýda erekshe ókilettikke ıe. Qazaqstan UOK óz quzyreti aıasynda halyqaralyq sport uıymdarymen, aldaǵy oıyndardyń uıymdastyrý komıtetimen qazaqstandyq sport delegatsııasynyń qatysý máseleleri boıynsha yntymaqtasady, — dep atap ótedi komıtetten.

Usynylǵan málimetke sáıkes, bıyl Qazaqstan sportshylary myndaı iri sporttyq is-sharalarǵa qatysýdy josparlap otyr:

— 2025 jyldyń 7-14 aqpan kúnderi Qytaıdyń Harbın qalasynda ótetin Qysqy Azııa oıyndary;

— Boljammen qarasha/jeltoqsanda Bahreınde ótetin Jasóspirimder arasyndaǵy Azııa oıyndary;

— Boljammen qarasha aıynda Saýd Arabııasynyń Er-Rııad qalasynda ótetin Islam yntymaqtastyq oıyndary;

— Saýd Arabııasynda ótetin birinshi Olımpıadalyq kıbersport oıyndary. Degenmen, búginde uıymdastyrýylar jarys ótetin qalany, ornyn, merzimin jáne irikteý protsesin áli aıqyndaǵan joq.

Degenmen, Ulttyq olımpıada komıteti joǵary atalǵan is-sharalardyń kúni men ótetin orny uıymdastyrýshylardyń sheshimine baılanysty ózgerýi múmkin ekendigin eskertedi.

Tske sala keteıik, buǵan deıin Elena Rybakına Germanııamen matchta Qazaqstandy alǵa shyǵarǵanyn jazǵan bolatynbyz.