Sportshylardyń Parıjde kıetin formasy nege shetelde tigiledi – mınıstr jaýaby

ASTANA. KAZINFORM – Týrızm jáne sport mınıstri Ermek Marjyqpaev Qazaqstan sportshylary Parıj Olımpıadasyna kıip baratyn kıimder nege shetelde tigiletinin aıtty.

«Sportshylardyń formasy nege shetelde tigiledi? Qazaqstanda tigetin adam joq pa?» - dep surady jýrnalıst.

Mınıstr sportshylardyń formasy demeýshilerdiń qarjysyna tigiletinin atap ótti.

«Sebebi, qarjy - demeýshilerden. Sondyqtan shetelde tigiledi», - dep qysqa qaıyrdy Ermek Marjyqpaev.

Sondaı-aq, ázirge sportshylardyń kıimin tigýge demeýshiler qansha aqsha jumsaıtynyn dóp basyp aıtý qıyn ekenin aıtty. Óıtkeni Parıjge neshe sportshy baratyny belgisiz.

«Qazir qarjy týraly aıta almaımyz. Sebebi, ony sanap jatyrmyz. Ázirge somany bilmeımiz. Qazir (Parıj Olımpıadasyna) qansha sportshy baratynyn anyqtaý kerek. Búginde elimizde 32 lıtsenzııa bar. Ol – 31 adam. 50-70 lıtsenzııa alamyz degen senimdemiz. Soǵan qaraı qansha qarjy keregin kóremiz», - dedi mınıstr.