Sportshylardyń ótken aptadaǵy jarqyn jeńisi
ASTANA. KAZINFORM – Týrızm jáne sport mınıstrligi qazaq sportshylarynyń ótken aptadaǵy jarqyn jeńisi týraly jazdy.
Dzıýdo: Qytaıdyń Ordos qalasynda ótken dzıýdodan Azııa chempıonatynda otandyq sportshylar alty medal jeńip aldy.
Ádilet Almat 81 kelide top jarsa, Qazaqstan ulttyq quramasy aralas komandalyq synda kúmis júldege ıe boldy. Sondaı-aq Abylaıhan Jubanazar (81 kg), Aıdar Arapov (90 kg), Esmıgúl Kýıýlova (63 kg) men Arýna Jangeldına (78 kg) qola medal ıelendi.
Semserlesý: Erlik Sertaı Býdapeshtegi (Majarstan) Gran-prı kezeńinde kúmis júldeger atandy. Fınalda ol jergilikti sportshy Davıd Nadge 12:15 esebimen jol berdi.
Taekvondo: Qazaqstan quramasy Tashkentte (Ózbekstan) ótken jastar arasyndaǵy álem chempıonatynda bes júldege qol jetkizdi.
44 kelide Aıym Serikbaeva altyn medal jeńip alyp, tarıhı nátıje kórsetti. Al Erasyl Erzat (48 kg), Islam Medetbaı (55 kg) jáne Álıdar Ábdikárimov (68 kg) qola júldeger atandy.
Sonymen qatar Ispanııadaǵy Spain Open halyqaralyq týrnırinde Qazaqstan quramasy 1 altyn, 2 kúmis jáne 1 qola medal enshiledi.
Tennıs: Otandyq tennısshi Elena Rybakına Germanııanyń Shtýtgart qalasyndaǵy WTA 500 týrnırinde jeńiske jetti. Fınalda ol álemniń ekinshi raketkasy chehııalyq Karolına Mýhovadan 7:5, 6:1 esebimen basym tústi. Aıta keteıik, Rybakına bul týrnırde 2024 jyly da chempıon atanǵan.
Shaıbaly hokkeı: Ispanııanyń Pýchserda qalasynda ótken áıelder arasyndaǵy shaıbaly hokkeıden álem chempıonatynyń IB dıvızıonynda Qazaqstan úshinshi oryndy ıelendi.
Aıta keteıik, World Boxing federatsııasynyń uıymdastyrýymen ótetin bokstan álem kýbogynda 20 sáýirde el quramasynan kimder sharshy alańǵa shyǵatyny belgili boldy.
