Sportshylar arasynda dinı teris aǵymdardyń taralýyna jol berilmeıdi – mınıstrlik

ASTANA. KAZINFORM – QR Týrızm jáne sport mınıstrligi sportshylar arasynda teris aǵymdardyń taralýyna jol bermeý jumysyn kúsheıtedi.

QR Týrızm jáne sport vıtse-mınıstri Serik Jarasbaev sportshylarǵa teris aǵymdar jaıynda teologtar túsindiretinin aıtty.

— Profılaktıka retinde olarǵa túsindiremiz. Bul rette, sportshynyń dindegi radıkaldy aǵymdaryna barmaýyna nazar aýdaryp, tıisti jumysty atqaramyz. Tıisti jol kartasy aıasynda bul jumysqa teologtardy tartyp jatyrmyz, ıaǵnı osyndaı is-sharalardy federatsııalarǵa engizemiz, — dedi S. Jarasbaev Senattyń jalpy otyrysynan keıin tilshiler suraǵyna jaýap bere otyryp.

Onyń aıtýynsha, radıkaldy kózqarastaǵy sportshylar jaıynda málimetter tıisti vedomstvolarǵa habarlanady.

Budan buryn habarlanǵandaı, Senat «Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańyn maquldady.

Bul qujatta akkredıttelgen sport federatsııalaryna dinı ekstremızm men terrorızmniń aldyn alý jóninde sharalar qabyldaý mindetin belgileý eskerilgen.