Sportpen shuǵyldanýshy astanalyqtardyń úlesi 1,8 paıyzǵa artty
NUR-SULTAN. QazAqparat – Elordada buqaralyq sportqa mán berilip, jyl sanap sportty janyna serik etýshiler sany kóbeıip keledi. Búginde sportpen shuǵyldanatyn astanalyqtardyń úlesi 1,8 paıyzǵa artqan.Nur-Sultandaǵy buqaralyq sporttyń búgingi damýy jaıly qalalyq Dene shynyqtyrý jáne sport basqarmasynyń basshysy Samat Erǵalıev aıtyp berdi, dep habarlaıdy QazAqparat tilshisi.
«Búginde karantınge qaramastan sportpen aınalysýshylardyń sany 378 835 adamǵa jetti. Bul jalpy qala turǵyndarynyń 31,5 paıyzyn quraıdy. ıAǵnı sportpen shuǵyldanýshy astanalyqtardyń úlesi 1,8 paıyzǵa ósken. Jalpy qalamyzda buqaralyq sporttyń damýyna barlyq jaǵdaı jasalǵan. Qala ákiminiń tapsyrmasyna saı jaqynda sport kolızeıi ashyldy. Sondaı-aq, kópshilikke arnalǵan Trıatlon parki, L. Gýmılev atyndaǵy EUÝ-i janyndaǵy kópir astynda arnaıy sport alańy da jumys istep tur. Qala saıabaqtarynyń barlyǵy derlik derlik vorkaýt alańdarymen qosa jattyǵýǵa arnalǵan qural-jabdyqtarmen qamtylǵan», - dedi S. Erǵalıev.
Odan bólek, S. Erǵalıev elordada velosıped jolaýshylaryna da mán berilip jatqanyn aıtty. Qazirgi ýaqytta qalada 70 shaqyrymdy quraıtyn velojol bar. Aldaǵy ýaqytta ony 123 shaqyrymǵa jetkizý jospary tur.
Buǵan deıin basqarma basshysy Nur-Sultanda bıyl ashylǵan sporttyq nysandardyń jumysymen tanystyrdy.
Odan bólek, elordada sporttyq-medıtsınalyq ortalyqtyń ashylatyny aıtyldy.
