Sportpen aınalysatyn Qazaqstan halqynyń úlesi 30 paıyzdan kem bolmaýy kerek - B. Saparbaev

ASTANA. QazAqparat - Sportpen aınalysatyn Qazaqstan halqynyń úlesi 30 paıyzdan kem bolmaýy kerek. Bul - Memleket basshysy júktegen mindet. Búgin Astanada QR Dene shynyqtyrý jáne sport oblystyq basqarmalary men Qazaqstandaǵy sport federatsııalarynyń ókilderiniń qatysýymen ótip jatqan keńes barysynda QR Premer-Mınıstriniń orynbasary Berdibek Saparbaev osylaı málimdedi.

«Memleket basshysy sportqa udaıy kóńil bólip keledi. Bizdiń aldymyzǵa Prezıdent qoıǵan mindetterdiń biri sportpen shuǵyldanatyn buqara halyqtyń sanyn 30 paıyzǵa jetkizý. Tutastaı alǵanda, Elbasynyń tapsyrmasy oryndalyp keledi, bul kórsetkish búgingi kúni 26 paıyzdy qurap otyr. Búgingi kúni elimizde sport keshenderiniń qurylysy qarqyndy júrip jatyr. Sonyń ishinde, Astana men Almaty qalalaryndaǵy sport ǵımarattary barlyq halyqaralyq talaptar men standarttaryna saı», - dedi jıyn barysynda B. Saparbaev.