«Sportıngtiń» bapkeri «Astananyń» oıyn órnegine qatysty pikir bildirdi
ASTANA. QazAqparat - «Sportıngtiń» bas bapkeri Jorje Jezýsh Eýropa Lıgasynyń 1/16 fınalynda «Astanamen» eki ret oınaǵannan keıin pikir bildirdi, dep habarlaıdy Sports.kz.
«Maqsatymyzǵa qoljetkizdik - 1/8 fınalǵa kirdik. Eki kún buryn «Tondelomen» oınadyq, sondyqtan jeti jańa oıynshyny qoıdym. «Astana» - aty joq, biraq oıyny bar komanda. Men esep 3:1 bolǵanda qatty abyrjymadym, nátıjeni qorǵaǵym kelgen joq. Bizdiń keıbir oıynshylarymyz sharshady - olar kóp oınady. Bul - fýtbol», - dedi Jezýsh.
Eske salaıyq, «Astana» Eýropa Lıgasyndaǵy oıynyn aıaqtady. Qazaqstandyq komanda Lıssabondaǵy 1/16 jaýaptyq matchynda portýgaldyq «Sportıngpen» teń tústi - 3:3.
