Sport jýrnalısi, pýblıtsıst jáne qoǵam qaıratkeri Seıdahmet Berdiqul atyndaǵy jýrnalıster konkýrsy bastaldy
ASTANA. 18 qazan. QazAqparat - Qazaqstan Respýblıkasy Týrızm jáne sport mınıstrliginiń Sport komıteti, Qazaqstannyń BAQ jýrnalısteri arasynda sport jýrnalısi, pýblıtsıst jáne qoǵam qaıratkeri Seıdahmet Berdiqul atyndaǵy jyl saıyn ótetin konkýrstyń bastalǵanyn habarlady.
Konkýrsqa buryn jeńimpaz atanbaǵan jáne 2006 jylǵa deıingi ýaqyttaǵy osy júldeni sarapqa salýdyń ótken kezeńiniń jeńimpazy bolǵan jýrnalıster qatysa alady, ıaǵnı konkýrsta jeńiske jetkennen keıingi ótken ýaqyt 5 jyldan kem bolmaýy tıis.
Syılyq jylyna bir ret, úsh jeńimpazǵa tapsyrylady. Onyń ishinde eki syılyq - memlekettik tildiń mártebesin kóterý maqsatynda qazaq tilinde jarııalanǵan materıaldarǵa, bir syılyq - orys tilinde jarııalanǵan materıaldarǵa belgilengen.
Ótinimder men maqalalar myna mekenjaı boıynsha qabyldanady: Astana qalasy, Syǵanaq kóshesi, 25 (11-qabat) «Ańsar» bıznes-ortalyǵy, QR Týrızm jene sport Mınıstrligi Sport komıtetiniń UShK jáne SRD baspasóz qyzmeti («2011 jylǵy S. Berdiqul atyndaǵy konkýrsqa» degen belgimen).
Úmitkerler 2011 jyldaǵy jumystaryn myna taqyryptar boıynsha tapsyrýy tıis:
1.Álem jáne Azııa chempıonatynda, Álem Kýboktarynda, mártebeli Halyqaralyq jarystarǵa jáne de Qazaqstan birinshilikterine arnalǵan sholý jasaý (ocherkter, maqalalar, taldaý, teletranslıatsııalar, telekópirler jáne t.b.)
2.Qazaqstandyq BAQ-ta buqaralyq sportty, balalar men jasóspirimder arasyndaǵy sportty, múgedekter arasyndaǵy jáne ulttyq sport túrlerinen sport oıyndaryn, (Spartakıadalar, týrnırler, Forýmdar, Paralımpıalyq oıyndar, Ulttyq sport túrleri festıvali) t.b. nasıhattaý.
3. Astana jáne Almaty qalalarynda ótken 2011 jylǵy VII qysqy Azııa oıyndaryna arnalǵan maqalalar, materıaldar, habarlar,ocherkter.
Konkýrstyń jeńimpazdary, «Seıdahmet Berdiqul atyndaǵy syılyqtyń laýreaty» degen arnaıy tósbelgimen marapattalyp, dıplom men aqshalaı syılyqqa ıe bolady.
Berilgen aqparatty QR Týrızm jáne sport Mınıstrliginiń (www.mts.gov.kz ) jáne UShKjSR Dırektsııasynyń (www.kazsports.kz ) saıttarynan tabasyz. Laýreattardyń esimderi QR BAQ-tarynda jáne joǵaryda kórsetilgen saıttarda ornalasady.
Qosymsha suraqtar boıynsha myna telefondarǵa habarlasýǵa bolady: 8 (7172) 91 15 29, nemese 8 701 367 18 34.
ANYQTAMA: Shyǵarmashylyqqa toly Seıdahmet Berdiquldyń (1932-1994 j.j.) barlyq ómiri álemdegi beıbit ári ıgilikti sala - sportpen baılanysty boldy. Qazaqstannyń sport jýrnalıstıkasyndaǵy uly metrdiń eńbekteri otandyq pýblıtsıstıkanyń úzdik týyndylary bolǵany sózsiz.
Ol óziniń «sporttyq jazbalaryn» ótken júzjyldyqtyń 50-60 j.j. «Lenınshil jas» gazetinde bastady, aldymen sport sholýshysy, odan keıin 1986 jylǵa deıin osy basylymnyń bas redaktory boldy. Keıinnen taǵdyrdyń jazýymen ol «Jalyn» baspasynda bas redaktor bolyp qyzmet atqardy. Berdiqul «Qazaqstan pıoneri» gazetiniń redaktory bolyp ta jumys istedi. «Talantty adam barlyǵynda talantty» mátel osyndaıda aıtylǵan bolar.
Seıdahmet fýtboldy unatatyn. Ol fýtboldyń naǵyz jankúıeri boldy. Sportqa adaldyǵynyń arqasynda taǵdyrdyń eki birdeı syıyna ıe boldy. 1966 jyly Anglııada ótken Álem chempıonatyna baratyn KSRO sport jýrnalısteri delegatsııasynyń quramyna bizdiń jerlesimiz de qosyldy. Al tórt jyldan soń shalǵaı Meksıkada ótken bylǵary dop sheberleriniń fýtbol festıvaline bardy. Osy saparlarynyń jemisi retinde Otanyna oralǵannan keıin týǵan ataqty kitaptaryn, ocherkteri men maqalalaryn ataýǵa bolady.
Sport komıteti 1994 jyly Qazaqstannyń úzdik sport jýrnalısterine Seıdahmet Berdiqul atyndaǵy syılyq belgiledi. Qazirgi tańda esimderi elimizge jaqsy tanys jýrnalıster - Nesip Júnisbaı, Qydyrbek Rysbek, ıÝrıı Lıfıntsev, Dıdar Tóleýish, Ńurǵazy Sasaev, Ǵalym Súleımen, Aqyn Ordabaı, Ársen Sattar, Mádı Manatbek, Іlııas Joldas, Farhad Izızov, Valerıı Ilın, Rabat Jánibek, Laýra Barlybaeva, Pavel Tsybýlın, Sádibek Túgel, Ómirzaq Sultanov, Anatolıı Gavrılov, Teljan Qúderov, Gúlstan Qanat, Musaǵalı Tasqalıev jáne taǵy basqalary osy syılyqtyń ıegerleri atandy.
