Sport juldyzdary qazaqstandyqtardy Naýryz merekesimen quttyqtady
Osy tusta, aýyr atlet Vladımır Sedov memlekettik tilde: «Naýryz amandyq, qýanysh, jaqsylyq ákelsin! Kóktem jylýy men ómir qýanyshyn tileımin! Myqty densaýlyq pen uzaq ómir, qushaq tolǵan gúl men yqylas tileımiz!» degen biraýyz quttyqtaýyn joldap, oqyrmandaryna jaqsy syılyq jasady. Taǵy bir apaıtós ziltemirshimiz Jasulan Qydyrbaev ta merekeden tys qalǵan joq. Taý bókterinde ol arnaıy beınequttyqtaý túsirip jibergen. Onda ol: «Barlyqtaryńyzdy Ulystyń uly kúni - Naýryz merekesimen quttyqtaımyn! Naýryzdan Naýryzǵa jete bereıik, tabys-berekege jete bereıik! Naýryz qutty bolsyn!» dep júrekjardy lebizin jetkizgen.
Zarına Dııas ta óziniń jyly lebizin qaldyrýdy umytpady. «Naýryz qutty bolsyn!» dep qana halqyn quttyqtaǵan tennısshi qyzymyzdyń óz ana tiline, salt-dástúrine degen qurmeti tánti etti.
Kásipqoı boksshymyz Roman Jaılaýov erge tán minezben kóp sózge jol bermegenge uqsaıdy. «Naýryz qutty bolsyn!» degen sózderimen qatar, Instagramm arqyly quttyqtaý sýretin salyp jiberdi. Qazir Roman AQSh-ta kelesi jekpe-jegine qyzý jattyǵýda.
