Sport jáne dene shynyqtyrý isteri komıteti tóraǵasynyń orynbasary taǵaıyndaldy

Rýslan Serǵazın Qazaqstan Respýblıkasynyń Týrızm jáne sport mınıstrligi Sport jáne dene shynyqtyrý isteri komıteti tóraǵasynyń orynbasary bolyp taǵaıyndaldy. Bul týraly Týrızm jáne sport mınıstrliginiń baspasóz qyzmeti habarlady. 

Rýslan Amangeldiuly Serǵazın 1989 jyly 8 sáýirde Shyǵys Qazaqstan oblysy Tarbaǵataı aýdany Tuǵyl aýylynda dúnıege kelgen.

S.Amanjolov atyndaǵy Shyǵys Qazaqstan memlekettik ýnıversıtetin 2011 jyly – «Memlekettik jáne jergilikti basqarý» mamandyǵy boıynsha, 2014 jyly – «Quqyqtaný» mamandyǵy boıynsha bitirgen.

Eńbek jolyn 2012 jyly Shyǵys Qazaqstan oblysynyń qurylys basqarmasynda qarjy-ekonomıka bóliminiń bas mamanynyń mindetin atqarýshy retinde bastaǵan.

Ár jyldary memlekettik basqarý júıelerinde jáne dene shynyqtyrý men sport salasynda túrli qyzmetter atqarǵan:

– Shyǵys Qazaqstan oblysy ákimdiginiń qurylymynda bas maman jáne bólim meńgerýshisi;
– Ulan aýdany aýyldyq okrýginiń ákimi;
– Semeı qalasy turǵyn úı-kommýnaldyq sharýashylyǵy jáne turǵyn úı ınspektsııasy bóliminiń basshysy;
– Shyǵys Qazaqstan oblysynyń energetıka jáne turǵyn úı-kommýnaldyq sharýashylyǵy basqarmasynyń ákimshilik jáne qarjylyq bóliminiń basshysy;
– Qazaqstan Respýblıkasy Mádenıet jáne sport mınıstrligi, keıinnen Týrızm jáne sport mınıstrligi Sport jáne dene shynyqtyrý isteri komıtetiniń Sport ınfraqurylymyn damytý basqarmasynyń basshysy. 

Buǵan deıin Týrızm ındýstrııasy komıteti tóraǵasynyń orynbasary taǵaıyndalǵan edi.