SPORT: Zarına Dııas Chjen Saısaıǵa ese jiberdi
ASTANA. QazAqparat - Qazaqstannyń birinshi raketkasy Zarına Dııas júlde qory 500 myń dollardy quraıtyn Shenchjendegi (Qytaı) WTA serııasy tennıs týrnıriniń jartylaı fınalyna ótpeı qaldy, dep habarlady Vesti.kz. tilshisi.
Shırek fınaldyq matchta týrnırdiń tórtinshi raketkasy, 21 jastaǵy Zarına Dııas ) 20 jastaǵy qytaılyq tennısshi Chjen Saısaımen kezdesti.
Qazaqstandyq tennısshi Qytaı ókilinen birinshi partııada 6:3 esebimen basym tústi. Al ekinshi sette is taı-breıkke deıin jetip, Qytaı ókili 7:2 esebimen basymdyq tanytty. Sheshýshi sátte qytaılyq 6:2 esebimen jeńiske jetti.
Zarına Dııas - álemniń 32-shi raketkasy, al Chjen Saısaı WTA reıtıngisinde 97-shi orynda ekenin atap ótken jón. Tennısshilerdiń jeke kezdesýleriniń nátıjesi boıynsha 4:0 esebimen Qytaı ókili alda keledi.
Fınalǵa shyǵý úshin qytaılyq tennısshi týrnırdiń birinshi raketkasy, rýmynııalyq Sımona Halep pen serbııalyq Aleksandra Krýnıchtiń qaı jeńgenimen kezdesedi. Eske sala keteıik, osy týrnırdiń birinshi aınalymynda Zarına Dııas horvatııalyq tenısshi Donna Vekıchti 6:3, 6:1 esebimen jeńse, ekinshi raýndta Vengrııa ókili Tımeıa Baboshty 6:3, 6:4 esebimen tize búktirgen bolatyn.
