Sport tujyrymdamasyna balalardy sport sektsııalarymen qamtý kórsetkishteri engiziledi
NUR-SULTAN. QazAqparat – Sport tujyrymdamasyna balalardy sport sektsııalarymen qamtý boıynsha maqsatty kórsetkishter engiziledi. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.
«Sportpen shuǵyldanatyn balalardyń sanyn arttyrý kórsetkishterin strategııalyq qujattarda qarastyrý kerek. Ótkende kelistik, jalpy buqaralyq sportty damytý deńgeıin 31 paıyzdan 50 paıyzǵa jetkizý maqsatyn qoıyp otyrmyz. Ol ońaı talap emes. Maǵan 5 jyldyń ishinde 31-den 35 paıyzǵa jetkizsek degen usynys alyp kelgen. Onyń bári qabyldanǵan joq. Sonda ár jyl saıyn 1 paıyz ǵana ósip otyrmaq pa? Ondaı bolatyn bolsa, dene shynyqtyrýǵa tikeleı jaýap beretin azamattar qaıda? Sondyqtan 5 jyldyń ishinde 50 paıyzǵa jetkizý maqsaty qoıyldy», - dedi vıtse-premer Mádenıet jáne sport mınıstrliginiń alqa otyrysynda.
Onyń atap ótýinshe, mundaı maqsatqa qol jetkizý ońaı bolmaıdy.
«Biraq naqty jumys jasaýymyz kerek. Ol nátıjege jetemiz, basqa jol joq. Osyǵan oraı ázirlenip jatqan Sport tujyrymdamasyna jáne «Salamatty ult» ulttyq jobasyna balalardy sport sektsııalarymen qamtý boıynsha maqsatty kórsetkishterdi engizýdi tapsyramyn», - dedi Eraly Toǵjanov.
