Sport mınıstrligi jańa ereje týraly: Maqsat - balany jaraqattan saqtaý
ASTANA. KAZINFORM – Qazaqstan Respýblıkasynyń Týrızm jáne sport mınıstrligi 16 shildede bekitilgen №133 buıryqqa qatysty málimdeme jasady.
– Jarystar kezinde fızıkalyq jáne emotsııalyq júktemeler bolady. Osyǵan oraı, mınıstrlik jarystarǵa qatysý úshin eń tómengi jas shegin belgiledi. Bul, eń aldymen, balalardyń densaýlyǵyn qorǵaýǵa jáne erte jasta jaraqat alý qaýpin azaıtýǵa baǵyttalǵan.
Jas shekteýleri sport federatsııalarynyń usynysy negizinde ázirlenip, Densaýlyq saqtaý mınıstrligimen kelisilgen jáne halyqaralyq standarttarǵa saı keledi. Bul talaptar tek jarystarǵa qatysýǵa qatysty. Al balalardy sport mektepterine, úıirmelerge jáne sport rezervin daıarlaıtyn ózge de mekemelerge qabyldaýǵa eshqandaı shekteý qoıylmaıdy, - delingen habarlamada.
Búginde elimizde 4 pen 17 jas aralyǵyndaǵy 5,1 mıllıonnan astam bala men jasóspirim turaqty túrde sportpen aınalysady.
Jas erekshelikterine baılanysty qoıylǵan shekteýler jónindegi tolyq aqparat kestede kórsetilgen.
Eske sala keteıik, buǵan deıin «Aqtóbe» men BIІK arasyndaǵy oıyn aıtýly oqıǵalarmen este qalǵanyn jazǵan edik.