Sport sheberleriniń Álem chempıonaty: Mańǵystaýlyq samboshy «altyn» aldy
18-22 qazan aralyǵynda Lımosol qalasynda sambodan sport sheberleri arasynda (40-44 jas) Álem chempıonaty ótip jatyr. Baıraqty básekege 37 memleketten 500-den astam sportshy qatysyp, óz sheberlikterin kórsetýde.
Mańǵystaý óńirinen 4 sportshy baqtaryn synady. Olardyń arasynda «Jas batyr» sport mektebiniń dırektory, sambodan sport sheberi Manarbek Bısekenov altyn medalǵa ıe boldy.
74 keli salmaqta óner kórsetken ol alǵashqy kezdesýinde frantsýz palýanyn «aýyrtý» ádisimen taza utqan.
«Ekinshi kezdesýimdi Reseı palýany, KSRO, Eýropa chempıony, halyqaralyq deńgeıdegi sport sheberi Lıgız Shagıevpen ótkizip, ony 2:1 esebimen jeńdim. Fınaldyq beldesýde KSRO chempıony, álemniń birneshe dúrkin chempıony bolǵan Alekseı Meshavkındi 5:1 esebimen tize búktirdim. Osylaısha, «altynnan» alqa taǵyp, jeńimpaz atandym», - dedi «Jas batyr» sport mektebiniń dırektory Manarbek Bısekenov.
