Sport saraıyndaǵy jappaı ýlanýǵa qatysty qylmystyq is qozǵaldy - Astana prokýratýrasy
ASTANA. 9 sáýir. QazAqparat - Astanada 2012 jyldyń 5 sáýirinde jappaı ýlaný faktisi tirkeldi. Búgingi kúni qalalalyq ınfektsııalyq aýrýhanada «ishek ınfektsııasy» dıagnozymen 36 adam jatyr,
dep habarlady Astana qalasynyń prokýratýrasy.
Aýrýhanaǵa 14 bala men 22 eresek adam jetkizildi. Olar Óskemen jáne Astana qalasynyń hokkeı komandalarynyń músheleri, «Qazaqstan» sport kesheniniń kelýshileri men qyzmetkerleri.
Zardap shekkenderdiń túgeli ýlanýdyń saldaryn Sport saraıynyń ishinde ornalasqan «Olımp» meıramhanasyndaǵy tamaqtanýmen baılanystyrady.
Aldyn ala jasalǵan boljam boıynsha asty daıyndaý kezinde azyq-túliktiń ekinshi kontamınatsııasy men qorshaǵan ortanyń saldary, meıramhananyń azyq-túligi ýlanýdyń sebepshisi bolǵan.
«Effa» JK sanıtarlyq-epıdemıologııalyq tekserýdiń barysynda tazalyq jáne halyqtyń sanıtarlyq-epıdemıologııalyq jaǵdaıy salasynda atalǵan zańnama erejesiniń kóptegen buzýshylyqtary anyqtaldy.
Anyqtalǵan buzyshylyqtarǵa baılanysty nysan sanıtarlyq tazalaýǵa jabyldy. 3 qyzmetker ýaqytsha qyzmetinen bosatyldy, meıramhananyń jumysy toqtatyldy. Jappaı ýlaný faktisi boıynsha aǵymdaǵy jyldyń 6 sáýirinde prokýratýramen QR QK-niń 267 baby 1 bólimi boıynsha qylmystyq is qozǵaldy.
Qazirgi ýaqytta alynǵan nusqalardyń zerthanalyq tekserýi ótýde, ýlanǵan adamdardyń jaǵdaıy qalypty dep baǵalanýda.
«Qazaqstan» sport saraıynyń qonaq úıinde medıtsınalyq kómek kórsetý brıgadasynyń kezekshiligimen medıtsınalyq tekserý uıymdastyryldy.
Epıdemııaǵa qarsy shara jalǵasýda, tekserý amaladary júrgizilip jatyr.
