Sport salasyndaǵy jemqorlyq boıynsha 39 is tirkelgen -agenttik

NUR-SULTAN. QazAqparat - QR Sybaılas jemqorlyqqa qarys is-qımyl agenttigi men QR Sport jáne dene shynyqtyrý isteri komıtetiniń ókilderi jemqorlyqtyń aldyn alý máselelerin talqylady, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń departament basshysynyń orynbasary Baýyrjan Balǵabekovtiń aıtýynsha, salaǵa bólingen memleket qarajaty kóp jaǵdaıda tıimdi ıgerilmeı otyr.

«Jyl saıyn bul salaǵa bıýdjetten 60-80 mlrd teńge bólinedi. Ókinishke oraı, sonyń bári maqsatyna saı ıgerilip jatqan joq. 2018-2019 jyldar aralyǵynda Sybaılas jemqorlyqqa qarsy is-qımyl qyzmetiniń qaraýyna 39 sotqa deıingi óndiris qujattary tústi. Onyń kóbi –aqsha jymqyrý, qyzmetin asyra paıdalaný, para alý jáne apara berý faktilerimen baılanysty», - degen agenttik ókili olardyń arasynda basshylyq laýazymdaǵy qyzmetkerler de, bapkerler de bar ekenin atady.

«Mysaly bıyl Shtattyq ulttyq komandalar jáne sport rezervi dırektsııasynyń dırektory Janpeıisov oqý-jattyǵý forýmdaryn ótkizý týraly jalǵan qujat jasaý arqyly 139 mln. teńge ıemdengeni úshin ustaldy. Al Batys Qazaqstan oblysynda sport jáne dene shynyqtyrý basqarmasynyń basshysy Shaıahmetov pen bólim basshysy sport mektepteriniń bapkerlerinen zańsyz aqsha jınaǵan. Syrdarııa aýdandyq mamandandyrylǵan olımpıadalyq rezerv mektebiniń dırektory 50 myń teńge para alǵan úshin sottaldy», - dedi Baýyrjan Balǵabekov.