Sport salasyndaǵy laýazymdy tulǵalarǵa sot úkimi shyqty

NUR-SULTAN. QazAqparat - Olımpıadalyq rezerv mektebiniń 5 dırektoryna jáne óńirlik sport basqarmasynyń basshysyna sot úkimi shyqty. Bul týraly QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat.

«2022 jyldyń 27 mamyrynda Qyzylorda oblysynda Dene shynyqtyrý jáne sport basqarmasynyń basshysy Ospanovqa qatysty aıyptaý úkimi shyǵyp, oǵan 5 mıllıon teńge kóleminde aıyppul salyndy.

Osy úkimmen Olımpıadalyq rezervtiń oblystyq mamandandyrylǵan balalar men jasóspirimder mektebiniń 5 dırektory Jumabaev, Ilın, Aqbergenov, Seksembaev pen Kıkbaev 10-nan 20 mıllıon teńgege deıin túrli aıyppuldarǵa sottaldy.

Joǵaryda atalǵan barlyq tulǵalar oblystyń sport mektepteriniń qyzmetine júrgizilgen taldaý boıynsha oń sheshim shyǵarǵany úshin tekserýshi adamǵa 6,5 mıllıon teńge mólsherinde para berýge oqtalǵany úshin kináli dep tanyldy», - delingen usynylǵan habarlamada.

Málim etilgendeı, sottalǵandar memlekettik qyzmette laýazym atqarý quqyǵynan ómir boıyna aıyryldy.

Úkim zańdy kúshine engen joq.