Sport salasyn damytý tujyrymdamasyn qabyldaýdy jedeldetý qajet - mınıstr
«Mınıstrlik aldynda buqaralyq sportty damytý men joǵary jetistikteri bar sport túrlerin jetildirýde aýqymdy jumystar tur. Qashanda batyryn baǵalaǵan, talantyn tanı bilgen, jas urpaǵynyń densaýlyǵyna júre qaramaǵan jurt ozady. Sondyqtan, búgingi alqaly jıynda aıtylatyn kelesi mindetterdi ózderińizdeı yqpaldy da yntymaqty qaýymmen birlesip sheshetinimizge senimdimin», - dedi ol mınıstrliktiń keńeıtilgen alqa otyrysynda.
Onyń atap ótýinshe, dene shynyqtyrý jáne sport salasyndaǵy memlekettik saıasattyń strategııalyq maqsattary men mindetteri, sondaı-aq salany damytýdyń ózekti máseleleri men olardy iske asyrý tetikteri salany damytýdyń 2030 jylǵa deıingi tujyrymdamasynyń jobasynda aıqyndalǵan.
«Qujat jobasynda Memleket basshysynyń tapsyrmalary, «Deni saý ult» ulttyq jobasynyń barlyq kórsetkishteri men is-sharalary ıntegratsııalanǵan. Serik Maratuly, sizge tujyrymdama jobasynyń ázirlenýin aıaqtaýdy jáne qujattyń qabyldanýyn jyldamdatýdy tapsyramyn», - dedi Ashat Oralov Mádenıet jáne sport vıtse-mınıstri Serik Jarasbaevqa qarata.
