Sport Review jýrnaly jyldyń úzdik sportshylarynyń esimderin jarııalady
ALMATY. 12 qańtar. QazAqparat /Erlik Erjanuly/ - Búgin Sport Review jýrnaly Qazaqstannyń 2010 jylǵy úzdik sportshylaryna daýys berýdiń qorytyndysyn jarııalady.
Úmitkerler tizimine erler arasynda: aıaqdopshy Nurbol Jumasqalıev, boksshy Danııar Eleýsinov, veloshabandoz Aleksandr Vınokýrov, aýyr atlet Ilıa Ilın, tennısshi Andreı Golýbev, al áıelder arasynda mergen Záýresh Baıbosynova, aýyr atlet Svetlana Podobedova, jeńil atlet Olga Rypakova, tennısshi ıAroslav Shvedova, bıatlonshy Elena Hrýstaleva engen bolatyn.
Daýys berýge 1379 adam qatysty. Erler arasynda olardyń 645-i Lej-Baston-Lej, Týr de Franstyń 13-kezeńiniń jáne Djıro del Trentıno jarysynyń jeńimpazy Aleksandr Vınokýrovty, 524-i Álem chempıony, Álem rekordyn jańartýshy jáne Azııa oıyndarynyń jeńimpazy Svetlana Podobedovany úzdik dep tanydy. Al bul tizimde ekinshi oryn alǵan Qazaqstan chempıony "Tobyl" fýtbol komandasynyń kapıtany Nurbol Jumasqalıevke - 223, Vankýverde ótken qysqy Olımpıada oıyndarynyń kúmis júldegeri Elena Hrýstalevaǵa 221 adam daýys bergen kórinedi.
