Sport nysandary bıýdjetten qarjylandyrylmaı olardyń qoljetimdiligi qamtamasyz etilmeıdi - D. Nazarbaeva
ASTANA. 25 sáýir. QazAqparat -Sport nysandary bıýdjetten qarjylandyrylmaı olardyń jurtshylyqqa qoljetimdiligi de qamtamsyz etilmeıdi.
Búgin QR Parlamenti Májilisiniń jalpy otyrysynda vıtse-premer Erbol Orynbaevtyń atyna saýal joldaǵan depýtat Darıǵa Nazarbaeva osylaı málim etti.
Óz saýalynda depýtat D. Nazarbaeva Elbasy Joldaýynda sport ǵımarattarynyń buqaraǵa qoljetimdi bolýyna qatysty máseleler qamtylǵanyn aıta kele, bul baǵytta qoldanystaǵy zańnama normalary da bar ekendigin atap ótti.
«Alaıda, bul quqyq normasyn tolyǵymen júzege asyrý is júzinde qıyndaý bolyp otyr. Máselen, bıýdjettik zańnamada, onyń ishinde oblystar bıýdjetinde sport ǵımarattaryn ustap turýǵa qarajat bólinbeıdi. Degenmen, oblystyq bıýdjette sport komandalaryn daıarlaýǵa, jarystar ótkizip, sportty damytýǵa qarajat qarastyrylady», - deıdi D. Nazarbaeva.
Onyń aıtýynsha, sport ǵımarattary memlekettik menshik bolyp, memlekettik kommýnaldyq zańdy tulǵalardyń qaraýyna jatady. Alaıda, osy nysandardy tikeleı bıýdjetten qarjylandyrmaý memlekettik múlikti basqarýdyń negizgi qaǵıdattaryn júzege asyrýǵa da kedergi keltiredi.
«Eń mańyzdysy sport ǵımarattaryn ustap turýdy bıýdjetten qarjylandyrmaı, biz osy nysandardyń jurtshylyqqa qoljetimdiligin qamtı almaımyz. Sonymen qatar, salaýatty ómir saltyn qalyptastyrýǵa da laıyqty jaǵdaıdyda qamtamasyz ete almaımyz», - deıdi D. Nazarbaeva.
