Sport mınıstri OAR-dan jeńispen oralǵan karateshilerdi marapattady (FOTO)

ASTANA. QazAqparat - Búgin Mádenıet jáne sport mınıstri Arystanbek Muhamedıuly jýyrda Ońtústik Afrıka Respýblıkasynyń eń iri qalasy Iohannesbýrgte ótken álemdik birinshilikte jeńispen oralǵan karateshilerdi alǵys hattarmen marapattady.

Jalpy, álem birinshiliginiń qorytyndysy boıynsha Qazaqstan 17 altyn, 9 kúmis jáne 2 qola medal jeńip alǵan.

«Ońtústik Afrıka Respýblıkasynda ótken 17-shi álem chmepıonatynan bıik jetistiktermen oraldyńyzdar. Sizder 17 altyn, 9 kúmis jáne 2 qola medal ıelenip, Qazaqstannyń kók baıraǵyn 17 ret aspanǵa sharyqtattyńyzdar, ánuranymyzdy 17 ret shyrqadyńyzdar. Karate - Qazaqstanda qarqyndy damyp kele jatqan sport túri. Sondyqtan, sizderge qarap bizdiń jastar boı túzeıdi, sporqa den qoıyp, salaýatty ómir saltyn ustanady», - dedi óz quttyqtaýynda mınıstr.

Joǵaryda aıtqanymyzdaı, Qazaqstan quramasy komandalyq jarystarda jáne jekelep óner kórsetý arqyly 17 altyn, 9 kúmis, 2 qola júldege ıe boldy. Búgin mınıstri Astana qalasy boıynsha Karate-do federatsııasynyń qurmetti prezıdenti Marat Ahmedjanovqa, Astana qalasy boıynsha karate-do federatsııasynyń prezıdenti Meıramgúl Dýkýevaǵa, Astana qalasy boıynsha federatsııasynyń vıtse-prezıdenti Vıktor Eshkınǵa, jattyqtyrýshy Elena Sklıarova, Zafar Saıdov, Sergeı Volchenkolarǵa, sondaı-aq sportshylar - Qaısar Qýanysh, Serjan Jambyrshın, Erkejan Mútálip, Ádilet Úsenbaev, Danıl Zaıka, Danıel Kan, Raýan Toǵyzbaevtarǵa alǵys hat tabystady.