Sport mınıstri halyq arasynda tanymal sport túrlerin atady
ASTANA. KAZINFORM — Elimizde 8,4 mln adam sportpen júıeli túrde aınalysad.y Bul týraly Úkimet otyrysynda Sport jáne týrızm mınıstri Erbol Myrzabosynov aıtty.
- Buqaralyq sportty damytý – Qazaqstannyń sport saıasatynyń basty baǵyty. Halyq arasynda sportty nasıhattaý – salaýatty ulttyń negizi. Búginde 8,4 mln adam júıeli túrde sportpen shuǵyldanady. Bul – halyqtyń 41,4 paıyzy. Maqsat – bul kórsetkishti 2029 jylǵa qaraı 50 paıyzǵa jetkizý. Óńirler boıynsha eń joǵary qamtý Atyraý, Qostanaı, oblystarynda jáne Shymkent qalasynda. Halyq arasynda eń tanymal sport túrleri – fýtbol, voleıbol, basketbol, sondaı-aq marafondar men jappaı júgirý jarystary. Elimizde jyl saıyn 25 myńnan astam buqaralyq sporttyq is-shara ótedi, - dedi mınıstr.
Onyń aıtýynsha, balalar men jasóspirimder sportyna erekshe nazar aýdarylady. Mektepterde 53 myńnan astam sport sektsııasy jumys isteıdi, onda 1,4 mln bala qatysady. 486 myńnan astam oqýshy mektep jáne mektepten tys mekemelerdegi 3 600 sektsııada jattyǵady.
912 balalar men jasóspirimder klýbtarynda 298 myń bala sportpen aınalysady.
- Elimizde 406 myń sportshyny qamtıtyn 521 sport mektebi jumys isteıdi. 14 oblystyq jáne 5 respýblıkalyq mektep-ınternat-kolledjde 6 500 oqýshy oqıdy. Bıyl memlekettik sporttyq tapsyryspen 240 myń bala 7 myńnan astam tegin sektsııaǵa qatysýda. Bul maqsatqa jergilikti bıýdjetten 50 mlrd teńge bólindi. 2025 jylǵy 1 maýsymnan bastap mádenıet, oqý-aǵartý jáne tsıfrlandyrý mınıstrlikterimen birge biryńǵaı vaýcher pılottyq joba iske qosyldy. Bul mehanızm sport, shyǵarmashylyq jáne qosymsha bilim berý salalaryn biriktiredi jáne memlekettik pen jeke uıymdardy biryńǵaı tsıfrlyq júıege qosady, - dedi Erbol Myrzabosynov.
Onyń dereginshe. elimizdiń óńirlerinde 14 jańa stadıon salý qajet.