Sport merekesi mııalylyqtardyń mereıin tasytty - Atyraý oblysy
ATYRAÝ. QazAqparat - Atyraý oblysy, Qyzylqoǵa aýdany, Mııaly aýylynda «Elge sálem» festıvali ótti, dep habarlaıdy QazAqparat tilshisi.
Jergilikti kásipker, sport janashyry, Atyraý oblysy kıkboksıng federatsııasynyń qurmetti prezıdenti Medet Serikbaevtyń bastamasymen ótken sharaǵa jaqyn shetelderden kásipqoı sportshylar keldi.
Atyraý oblysy dene shynyqtyrý jáne sport basqarmasynyń baspasóz hatshysy Іlııas Shaıhıevtiń aıtýynsha, Mııalynyń ortalyq alańynda halyqtyń qarasy kóp boldy. Atyraýlyq kıkboksshylar sheteldik kásipqoı sportshylarymen jekpe-jekte óz sheberlikterin kórsete bildi.
Aldymen álem chempıonatynyń qola júldegeri Janaly Sálimgereı Grýzııa chempıony Elnýr Ýlıev kúsh synasty. Álem Kýbogynyń ıegeri baryn salǵanymen atyraýlyq sportshydan aılasyn asyra almady.
Qos álem chempıony - Jandos Nazarbekov pen ózbekstandyq ıAkýb Fýrkadbek arasyndaǵy tartys qyzyqqa toly ótti. Upaı sanymen Jandos ózbek sportshysynan basym tústi.
Taǵy bir álem chempıony, Atyraý sportynyń maqtanyshy Abzal Dúsipov ýkraınalyq qarsylasy Lendıýk ıÝrııdi ýaqytynan buryn utyp, óziniń babynda ekendigin baıqatty.
Festıval aıasynda kishi aıaq dobynan respýblıkalyq týrnır uıymdastyryldy. 8 komanda qatysqan dodada «Ómirzaq» komandasy úzdik atandy. Odan bólek, dzıýdo men qazaq kúresinen de tartysty kezdesýler ótti.
