Sport mektepterinde áıelder fýtboly synyby ashylýy múmkin
ALMATY. 25 qarasha. QazAqparat /Erlik Erjanuly/ - Almaty qalasynyń balalar men jasóspirimder lıgasynda ázirge erler komandalary ǵana qatysady.
Bul jaıly qalalyq fýtbol federatsııasynyń bas hatshysy Vladımır Ahýnov búgin Almatyda ótken baspasóz máslıhatynda aıtty.
«Atqarý komıtetiniń taıaýdaǵy otyrysynda sport mektepterinde áıelder fýtbolyn ashý máselesi qaralady. Balalar men jasóspirimder lıgasynda qazir aralas komanda qoıý qıyn bop tur. Oǵan ınfraqurylym sáıkes kelmeıdi», - deıdi V. Ahýnov. Onyń aıtýynsha, áıelder fýtbolyn damytý máselesi endi federatsııada arnaıy qaralmaq. Ony tyǵyryqtan shyǵarý aldaǵy maýsymda sheshilýi múmkin.
