Sport mektepteri jattyqtyrýshylarynyń aptalyq júktemesi tómendetiledi
«Dene shynyqtyrý jáne sport salasynda qoldanystaǵy normatıvtik-quqyqtyq baza zamanaýı ınnovatsııalyq jáne ıntegratsııalyq protsester talaptaryna tolyǵymen saı kelmeıdi, salanyń shynaıy qajettiligin eskermeıdi. Sondyqtan bul baǵytta mınıstrlik zańnamalyq aktilerge túzetýler engizý jumysyn bastady», - dedi ol mınıstrliktiń keńeıtilgen alqa otyrysynda.
Onyń atap ótýinshe, zań jobasy aıasynda kásibı sportty qarjylandyrý máselelerin retteý, sport mektepteri jattyqtyrýshy-oqytýshylarynyń normatıvtik oqý júktemesin aptasyna 24 saǵattan 18 saǵatqa deıin tómendetý josparlanyp otyr.
«Memleket basshysy atap ótkendeı, «bizdiń barlyq kúsh-jigerimiz qazaqstandyqtar ómiriniń qaýipsiz ári barynsha sapaly jaǵdaıyn qamtamasyz etýge baǵyttalýy tıis». Osy turǵyda biz sportshylardy, bapkerlerdi áleýmettik qorǵaý, múmkindigi shekteýli sportshylarǵa jaǵdaı jasaý jáne ózge de máselelerdi qozǵaımyz. Zań jobasyn jyldyń sońyna deıin Parlamentke engizý qajet», - dedi mınıstr.
