Sport mektebiniń qarajatyn jymqyryp kelgen býhgalterge úkim shyqty
Pavlodar oblystyq Týrızmdi jáne sportty damytý basqarmasyna qarasty «Batyr» balalar-jasóspirimder sport mektebiniń esepshisi bıýdjet qarajatyn jymqyryp kelgeni anyqtalǵan. Býhgalterdiń qylmystyq áreketi saldarynan memleketke kelgen materıaldyq zalal somasy 8,3 mln teńgegeni qurady.
«Tergeý barysynda aıyptalýshy 2018 jyldyń 1 qańtarynan bastap 2020 jyldyń 11 qarashasyna deıingi kezeńde bilim berý jáne aqyly qyzmetterdi kórsetýden, onyń ishinde sporttyq jabdyqtardy, obektilerdi jalǵa alýdan, paıdalanýdan, konkılerdi, shańǵylardy, rolıkti konkılerdi, júzý basseınderin jalǵa berýden túsken túsimderdi (qolma-qol aqshany) alyp otyrǵan. Alaıda, kassalyq-kiris chegin bermegen», - dep jazylǵan Ekonomıkalyq tergeý departamentiniń habarlamasynda.
Pavlodar qalasynyń № 2 soty esepshige úsh jyl merzimge bas bostandyǵyn shekteý jazasyn taǵaıyndady.