«Sport KZ 1» telearnasy Qazaqstan-Ázirbaıjan quramalary arasyndaǵy fýtbol matchyn tikeleı efırden kórsetedi
TANA. 6 qyrkúıek. QazAqparat - «Sport KZ 1» telearnasy Eýro-2012 irikteý kezeńi aıasynda Qazaqstan men Ázirbaıjan quramalary arasyndaǵy fýtbol matchyn Bakýden qazaqstandyq jankúıerler úshin tikeleı efır arqyly taratady,
dep habarlady QR Fýtbol federatsııasynyń baspasóz qyzmetinen.
Tartysty oıynda Astana ýaqyty boıynsha 21:00-de tikeleı efırden tamashalaýǵa bolady.
Qazaqstan men Ázirbaıjan quramasy buǵan deıin aǵymdaǵy jyldyń maýsym aıynda elordada kezdesken bolatyn. Sol joly elimizdiń quramasy 2:1 esebimen jeńiske jetken edi.
Aıta keteıik, 2 qyrkúıek kúni Ystambulda Túrkııa quramasymen kezdesý barysynda elimizdiń birqatar fýtbolshysy jaraqat alǵan bolatyn. Búgingi matchta olar, atap aıtqanda Muhtar Muhtarov, Genrıh Shmıdtgal jáne Tańat Nóserbaevtar ázirbaıjandyqtarmen qarymta oıynda óner kórsete almaıdy.
«A» tobynda óner kórsetetin bizdiń qurama osyǵan deıin 7 kezdesý ótkizip, eń sońǵy orynda 3 upaımen tur. Al jalpy esepte 8 oıynda 24 upaı jınaǵan Germanııa quramasy kósh basynda. Odan keıingi oryndarǵa Túrkııa, Belgııa, Avstrııa jáne Ázirbaıjan quramalary ornalasqan.
