Sport kúızelisten qutqarady
ASTANA. QazAqparat - Jastardyń 40 paıyzǵa deıingisi kúızeliske ushyrap, sary ýaıymnan zardap shegedi eken. Zertteýshiler mundaı kóńil kúıden arylý úshin sportpen shuǵyldaný kerektigin aıtady. Mektepte sportpen aınalysqan 12-17 jastaǵy jasóspirimder keıin mektep bitirgesin de kúızeliske basqalarmen salystyrǵanda áldeqaıda az shaldyǵady eken. Bul týraly sheteldik BAQ habarlady.
Kanadada osy máselege boıynsha 10 mektepte arnaıy saýalnama júrgizilip, oǵan joǵarǵy synyptyń 850 oqýshysy qatysqan. Saýalnamada oqýshylardyń barlyǵynan mektepte sportpen qanshalyqty jıi aınalystandyqtary suralady. Úsh jyldan keıin sol oqýshylardyń deni qaıtadan sol zertteýge qatystyrylady. Olardyń psıhologııalyq ahýaldary men densaýlyqtary 1-den 5-ke deıingi baǵalaý tásilimen tekserilip, baǵalanady. Nátıjesinde mektepte sportpen shuǵyldanǵandardyń barlyǵy 5 degen ballǵa laıyq bolyp shyqqan. Toronto ýnıversıtetiniń zertteýshisi Ketrın Sebıston fızıkalyq jattyǵýlar adam psıhologııasynyń jetilýine de oń yqpal etetinin aıtady.
