Sport kúnine oraı birqatar jattyqtyrýshylar men sport mamandary marapattaldy
ASTANA. Tamyzdyń 14-i. QazAqparat /Rýslan Ǵabbasov/ - Búgin Sport kúnine oraı Týrızm jáne sport mınıstrliginde elimizdiń birqatar jattyqtyrýshylary men sport salasynyń mamandary «Dene shynyqtyrý men sportty damytýǵa qosqan eńbegi úshin» Qurmet belgisimen marapattaldy.
Atap aıtqanda, bundaı belgimen Jambyl oblysynyń Jýaly aýdanyndaǵy balalar men jasóspirimder sport mektebiniń jattyqtyrýshysy Turlybek Kópjasarov, OQO Túlkibas aýdandyq balalar men jasóspirimder sport mektebiniń jattyqtyrýshysy Shamdáýlet Kenebaev, Qyzylorda oblysynyń týrızm, dene shynyqtyrý jáne sport basqarmasynyń oqý-jattyǵý bóliminiń bastyǵy Jaqsylyq Ospanov, Astana qalasynyń Balalar men jasóspirimder sport mektebiniń jattyqtyrýshysy ıÝrıı Starostın, Pavlodar oblysynyń «Olımpıadalyq daıarlaý ortalyǵy» MM-niń dırektory Eleýsiz Dúısekov jáne elimizdiń basqa óńirlerinen kelgen mamandar marapattaldy. Sonymen qatar QR Týrızm jáne sport mınıstrliginiń Qurmet gramotasy jáne Alǵys haty osy vedomstvonyń birqatar qyzmetkerlerine tapsyryldy.
Marapattaý rásimi barysynda QR Týrızm jáne sport mınıstri Temirhan Dosmuhambetov mamandardy Sport kúnimen quttyqtaı kele: «Elbasy buqaralyq sportpen aınalysatyndardyń úlesin 30 paıyzǵa jetkizý maqsatyn qoıdy. Búginde turǵyndardyń tek 16 paıyzy ǵana buqaralyq sportpen qamtylǵan. Jaqyn arada bul kórsetkishti tapsyrylǵan deńgeıge jetkizýimiz tıis»,-dedi.
«Qazirgi kezde balalarǵa arnalǵan oıyn-saýyq oryndary óte kóp. Sondyqtan jasóspirimderdiń nazaryn osy oıyn-saýyq oryndarynan góri, sportpen shuǵyldanýǵa aýdarý qajet»,-dedi vedomstvo basshysy.
