Sport kúnin merekeleýge 4,5 mıllıon qazaqstandyq qatysady
ASTANA. 15 tamyz. QazAqparat - Tamyz aıynyń úshinshi jeksenbisi - Sport kúni «Salaýatty ult - salaýatty urpaq» aktsııasyna 4,5 mıllıonnan astam adam qatysady dep kútilýde. Bul týraly búgin Astanada ótken baspasóz máslıhatynda QR Sport jáne dene shynyqtyrý isteri agenttigi tóraǵasynyń orynbasary Tastanbek Esentaev málim etti.
«QR Sport jáne dene shynyqtyrý isteri agenttiginiń uıymdastyrýymen, Astana qalasy ákimdiginiń, QR Mádenıet jáne aqparat mınıstrliginiń jáne Densaýlyq saqtaý mınıstrliginiń qoldaýymen «Salaýatty ult - salaýatty urpaq» aktsııasyn ótkizýdi josparlap otyrmyz. Osy aktsııaǵa Qazaqstannyń barlyq óńirlerinen 4,5 mln. adam qatysady dep kútilýde. Shara 15-18 tamyz aralyǵynda ótetin bolady. Onyń aıasynda jalpy sporttyq saıystar, saltanatty jıyndar, dene tárbıesi men sportyń damýyna eleýli úles qosqan azamattardy marapattaý rásimderi ótedi», - dedi T.Esentaev.
Sonymen qatar Olımpıada chempıondary Jaqsylyq Úshkempirov, ıÝrıı Melnıchenko, Ermahan Ybraıymov, Serik Sápıev, Olımpıada oıyndarynyń kúmis júldegerleri Bolat Jumadilov, Islam Baıramýkov, Muhtarhan Dildábekov, Olımpıadanyń qola medal ıesi Arman Shylmanov, «Qazaqstan Barysy» týrnıriniń 2013 jylǵy jeńimpazy Aıbek Nuǵymarov pen ótken jylǵy ataq ıesi Beıbit Ystybaev jáne 2013 jylǵy Sýrdlımpıadalyq oıyndardyń altyn medalısi Ǵabıt Esjanov qatyspaq.
