Sport kúni qarsańynda úzdik mamandar marapattaldy

ASTANA. KAZINFORM – Sport kúni merekesine oraı elordada dene shynyqtyrý men sport salasynyń úzdik ókilderi marapattaldy, dep habarlaıdy Týrızm jáne sport mınıstrliginiń baspasóz qyzmeti.

Saltanatty jıynda mınıstr Erbol Myrzabosynov quttyqtaý sóz sóılep, sport salasyna úles qosyp júrgen jandardyń eńbegine toqtaldy.

«Sport – tek halyqaralyq arenadaǵy jetistikter ǵana emes, sonymen qatar jattyqtyrýshylardyń, mamandardyń jáne osy salany damytýǵa úles qosyp júrgen barsha azamattyń eńbegi. Dál sizderdiń kásibılik pen janqııarlyqtyń arqasynda Qazaqstan sport derjavasy retinde bedelin nyǵaıtyp keledi», – dedi mınıstr.

«Qurmetti sport qyzmetkeri» tósbelgisi tabystaldy:

• Rústem Qazıev – Qysqy sport túrleri boıynsha olımpıadalyq daıarlaý ortalyǵy dırektorynyń orynbasary;

• Angelına Lýkas – kásipqoı boksshy;

• Aıbat Seıten – qazaq kúresinen áıelder ulttyq quramasynyń aǵa jattyqtyrýshysy;

• Bogdan Veselskıı – Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń jeńil atletıkadan aǵa jattyqtyrýshysy;

• Qonysbek Túkenov – Kúres túrleri boıynsha olımpıadalyq daıarlaý ortalyǵynyń grek-rım kúresinen jastar quramasynyń aǵa jattyqtyrýshysy;

• Qarlyǵash Balabekova – Kúres túrleri boıynsha olımpıadalyq daıarlaý ortalyǵynyń qujattamalyq qamtamasyz etý ınspektory;

• Oleg Grıtsenko – «Astana» olımpıadalyq daıarlaý ortalyǵynyń velotrek mehanıgi.

«Dene shynyqtyrý men sportty damytýǵa sińirgen eńbegi úshin» tósbelgisi ıelendi:

• Nurlybek Ermaǵanbetov – qol kúresinen jattyqtyrýshy;

• Marhabat Esimseıtova – Kúres túrleri boıynsha olımpıadalyq daıarlaý ortalyǵynyń qujattamalyq qamtamasyz etý ınspektory;

• Qadyrbek Qabdýlov – Qajymuqan Muńaıtpasov atyndaǵy olımpıada rezerviniń respýblıkalyq mektep-ınternat-kolledjiniń sport ádiskeri;

• Gaýhar Mamyrbaeva – Ulttyq sporttyq medıtsına jáne ońaltý ortalyǵynyń Astana qalasy fılıalynyń sporttyq medıtsına dárigeri.

Eske sala keteıik, Qazaqstanda Sport kúni jyl saıyn tamyzdyń úshinshi jeksenbisinde atalyp ótedi. Bıyl mereke aıasynda eldiń barlyq óńirinde 150-den astam is-shara uıymdastyrylyp, negizgi nazar sport ardagerlerin ulyqtaýǵa, balalarǵa arnalǵan sporttyq jarystarǵa jáne buqaralyq sportty damytýǵa baǵyttaldy.

Aıta keteıik, sportshylarǵa arnalǵan aı saıynǵy tólemderdiń biryńǵaı júıesi engizildi.