Sport komıtetiniń basshysy aýysty
ASTANA. Sáýirdiń 6-sy. QazAqparat /Gúlnár Jandaǵulova/ - Týrızm jáne sport mınıstrligi Sport jónindegi komıtetiniń tóraǵasy bolyp Elsııar Qanaǵatov taǵaıyndaldy,
dep habarlady Ulttyq shtattyq komandalar jáne sporttyq rezerv dırektsııasynyń baspasóz qyzmetinen.
E.Qanaǵatov buǵan deıin tórt jyl boıy Ulttyq shtattyq komandalar jáne sporttyq rezerv dırektsııasyn basqaryp kelgen.
Al onyń ornyna buǵan deıin Sporttyń qysqy túrleri boıynsha respýblıkalyq joǵarǵy sheberlik mektebiniń dırektory bolǵan Qaıyrgeldi Janpeıisov taǵaıyndaldy. Elena Hrýstaleva Vankýver Olımpıadasyna dál osy mektepte daıyndalǵan bolatyn.
Al buǵan deıin Sport komıtetin basqaryp kelgen Anatóli Qulnazarov «Astana jáne Almaty qalalarynda 2011 jyly qysqy Azııalyq oıyndaryn ótkizý jónindegi uıymdastyrý komıtetiniń Atqarýshy dırektsııasy» aktsıonerlik qoǵamyn basqaratyn bolady.
