Sport komıtetindegi sybaılas jemqorlyqqa qatysty is boıynsha taǵy eki adam ustaldy

NUR-SULTAN. QazAqparat - Shyǵys Qazaqstan oblystyq sybaılas jemqorlyqqa qarsy qyzmeti QR MSM Sport jáne dene shynyqtyrý komıteti tóraǵasynyń burynǵy jáne qazirgi orynbasarlaryna qatysty qylmystyq isti tergeý barasynda paraqorlyq faktisi boıynsha sotqa deıingi tekserýdi bastady, dep habarlaıdy QazAqparat.

QR Qylmystyq is júrgizý kodeksiniń 128-baby tártibimen tergeý barysynda nysannyń qurylysymen aınalysqan QR QM Qazynashylyq komıtetiniń laýazymdy tulǵasy jáne onyń tanysy ustaldy. Olar atalǵan qylmystyq isti toqtatý úshin kásiporyndardyń biriniń basshysyn 40 mln teńge somasynda para bergizýge azǵyrǵan.

Osy fakti boıynsha tergeý amaldary júrip jatyr.

Budan buryn habarlanǵandaı, bıyl mamyr aıynda Sport jáne dene shynyqtyrý isteri komıteti tóraǵasynyń orynbasarlary ustaldy.

Olar Rıdder qalasyndaǵy «Respýblıkalyq mamandandyrylǵan olımpıadalyq rezervtik mektep-ınternaty» RMM-niń 300 orynǵa arnalaǵan oqý korpýsy» qurylys nysanyn salý kezinde is júzinde oryndalmaǵan jumys úshin merdigerdiń shotyna 380,8 mln teńge somasynda bıýdjet qarajatyn aýdarý arqyly jymqyrdy degen kúdikke ilindi.