SPORT: Qanat Islam «QazAqparatqa» suhbat berýge keldi
ASTANA. QazAqparat - Beıjiń olımpıadasynyń qola júldegeri, tanymal kásipqoı boksshy Qanat Islam «QazAqparat» halyqaralyq aqparattyq agenttigine eksklıýzıvti suhbat berýge qonaqqa keldi. Suhbattyń tolyq mátinin aldaǵy ýaqytta jarııalaıtyn bolamyz.
Qanat Islamuly - QHR, Shyńjań Uıǵyr avtonomııaly ólkesinde 13 qyrkúıek 1984 jyly dúnıege kelgen. Ol - kásipqoı boksshy, WBA FedeCaribe tujyrymynyń chempıony. Qanat Islam ortasha jeńil salmaq boıynsha Karıb aımaǵynyń úzdigi. Áýesqoı boksshy retinde Qytaı Halyq Respýblıkasy Ulttyq qurama komandasynyń quramynda Beıjiń Olımpıadasynyń qola júldegeri, Chıkagoda ótken Álem chempıonatynyń (2007) jáne Azııa oıyndarynyń (2006) qola júldegeri. Qytaıdyń 10 dúrkin chempıony. Ulty - qazaq. 2010 jyly azamattyǵyn aýystyryp, atamekeni Qazaqstanǵa kóship keldi. Ol «Astana Arlandary» kásibı klýbynyń múshesi retinde 2012 jylǵa deıin óner kórsetti. Qazir kásipqoı boksshy, Nelson (AQSh) promoýterlik klýby atynan 18 jekpe jek ótkizip, onyń 15-de nokaýtpen jeńiske jetti. Laqap aty - Qazaq. Bilimi - joǵary, Úrimshi qalasyndaǵy Pedagogıkalyq ýnıversıtetin 2009 jyly támamdaǵan. Qanattyń London olımpıadasyna qatysýyna Qytaı tarapy qarsylyq kórsetti. AIBA bul máseleni qarastyryp, Qanatqa Qazaqstan atynan saıysqa túsýge ruqsat berdi. Alaıda, Qanat ulttyq qurama komanda bapkerleri tarapynan qoldaý tappaı, London Olımpıadasyna qatysa almady.
