Sport isteri komıteti tóraǵasynyń burynǵy orynbasarlarynyń isi sotqa joldandy

NUR-SULTAN. QazAqparat – Sybaılas jemqorlyqqa qarsy is-qımyl agenttigi Sport isteri komıteti tóraǵasynyń burynǵy orynbasarlarynyń isin sotqa joldady, dep habarlaıdy QazAqparat tilshisi.

Bul týraly vedomstvonyń asa mańyzdy ister jónindegi tergeýshisi Danııar Begaıdarov málimdedi,

«Sybaılas jemqorlyqqa qarsy qyzmet Mádenıet jáne sport mınıstrliginiń Sport jáne dene shynyqtyrý isteri komıteti tóraǵasynyń burynǵy orynbasarlaryna qatysty tergeýdi aıaqtady. Olardyń biri bıýdjet qarajatyn jymqyrdy degen kúdikke ilindi. Taǵy bireýi sport nysandary boıynsha aktilerge qol qoıǵany úshin asa iri mólsherde para aldy degen kúdikke ilindi. Aǵymdaǵy jyldyń 8 sáýirinde is sotqa joldandy», - dedi Danııar Begaıdarov.