Sport isteri agenttigi basshysynyń burynǵy orynbasary A.Tumataev 3 qyrkúıekke deıin qamaýda qalady
ASTANA. QazAqparat - Astana qylmystyq is jónindegi appelıatsııalyq alqa Sport isteri jáne dene shynyqtyrý agenttigi basshysynyń burynǵy orynbasary A. Tumataevqa qatysty sot qaýlysyn ózgerissiz qaldyrdy, dep habarlady elorda sotynyń baspasóz qyzmetinen.
Búgin apellıatsııalyq alqa Astana qalasy Almaty aýdany №2 aýdandyq sotynyń 2015 jylǵy 31 shildedegi qaýlysyna advokattyń jeke shaǵymy boıynsha A. Tumataevqa qatysty qamaýda ustaý túrinde bultartpaý sharasyn qoldaný merzimin uzartý týraly qoldaýhatty qarady.
A. Tumataev QR QK 176-baby 4-bóligi «b» tarmaqshasynda (asa iri kólemde senip tapsyrylǵan bóten adamnyń múlkin ıemdený nemese jumsaý) kózdelgen qylmystyq isti jasaǵany úshin kúdikti dep tanylýda.
Qylmystyq is jónindegi apellıatsııalyq alqanyń sheshimimen A. Tumataevqa qatysty 2015 jylǵy 3 qyrkúıekke deıin qamaýda ustaý merzimin uzartý týraly birinshi ınstantsııa qaýlysy ózgerissiz qaldyryldy, advokat shaǵymy qanaǵattandyrylmady.
Qaýly túpkilikti. Shaǵymdanýǵa, narazylyq bildirýge jatpaıdy.
